Ek wonder soms oor die vraag of ons en die wêreld se ekonomie werklik in resessie is en of ons resessie oor onsself bring. Kyk ek so na wat aangaan in besigheid en hoe besigheid verminder het kan ek beslis nie anders as om te glo ons in een verskriklike resessie nie. Maar dit gesê, hoeveel van die afneem van besigheid is ons eie toedoen en hoeveel is die resessie se skuld. Dit kan net elkeen vir onsself antwoord. Het jy toe jy hoor van resessie ophou adverteer om geld te bespaar, minder kliënte gesien om kostes af te hou? Moet ons dan nie juis in swak tye adverteer en meer mense sien nie? Dis soos die geleerdes se, mense het nooit geld om te adverteer nie want dit kos te veel maar sodra sy besigheid in die moeilikheid is wil hy die besigheid verkoop, en wat is die eerste ding wat hy doen, hy adverteer, pleks hy maar geadverteer het in die goeie tye dan was daar moontlik nie die nodigheid vir besigheid verkoop nie.
