Ek verstaan dit nie, hoekom as iets verkeerd gaan is dit God se skuld. Hoeveel keer het ek myself nie al gevra nie, wat het ek tog gedoen om dit te verdien, hoekom laat die Here dit met my gebeur. As iets fout gaan is dit nooit die duiwel se skuld nie nee dis God Hy haat my, God is wreed onregverdig, ek gaan Hom nou terugkry, as Hy so wil maak gaan ek nie meer kerk toe nie, ek lees nie Bybel nie en ek bid nie. En dan volgende ek verstaan nie God praat nie met my nie, dit voel of ek teen die plafon vas bid. Hoe moet God met ons praat as ons nie bereid is om te luister nie. God praat met ons deur sy woord, deur ander gelowiges en as ons ophou Bybel lees en kerk toe gaan kan God nie met ons praat nie.
Spreuke 19:3 ‘n Mens se eie dwaasheid ontwrig jou lewe, dan verkwalik jy nog die Here daarvoor.
