Nou ja so het die groot dag toe aangebreek vir Kobus en Karin, hul troudag, wonderlike geleentheid, maar ongelukkig het daar iets drasties verkeer geloop met die reëlings. Alles was perfek, die saal die blomme die kos en Karin se trourok, maar die belangrikste  het agterweë gebly, niemand het ooit met hulle gepraat waaroor gaan die huwelik nie, niemand het hulle ooit gehelp om uit te vind wat is elkeen se emosionele behoeftes nie, en die ergste niemand het hulle ooit gehelp om uit te vind wat is daar in elkeen wat die ander gaan irriteer nie. Maar behalwe vir dit loop alles klop disselboom en na die troue vertrek hulle op ‘n onvergeetlike wittebrood.

Terug van Wittebrood is die lewe terug na normaal, Kobus en Karin begin weer te werk en soos dinge maar werk is die druk by die werk maar groot as gevolg van die ekonomiese resessie. Kobus werk al harder en langer ure om alles te laat klop. Een van Karin se top emosionele behoeftes is om te gesels en te praat oor wat in die dag gebeur. Aangesien Kobus laat tuis kom, moeg is en net wil ontspan luister hy nie werklik wat Karin sê nie. Sy voel afgeskeep en eenhede word uit haar emosionele bank onttrek wat maak dat sy minder lief voel vir Kobus en nie behoefte het aan seks met Kobus nie. Seksuele bevrediging is een van Kobus se top emosionele behoeftes en hy verstaan nie hoekom Karin nie belang stel in seks nie en net daar maak Kobus ‘n fatale fout, hy dring op selfsugtige manier aan op seks, dit ontstel Karin verder en die hulle seksuele verhouding kom tot stilstand wat  veroorsaak dat hulle verhouding tot stilstand kom. Stil stuipe volg, afjakke, baklei oor alles en so sneeubal die hele probleem.

So wat het gebeur? Kobus het nie geweet hoe hoog gesels op Karin se emosionele behoefte lys was nie aangesien dit vir hom nie baie belangrik is nie. Indien hy dit geweet het kon hy werk gemaak het daarvan en daar sou geen probleem gewees het nie. Die appel kar is verder omgegooi toe hy selfsugtig aangedring het op seks terwyl Karin nie gereed was daarvoor die. Twee eenvoudige goed, te min gesels en selfsug steel Kobus en Karin se geluk. Hoekom? omdat hulle nie weet wat die ander se emosionele behoefte is nie en wat mense moet vermy as dit by liefde kom. Karin se top emosionele behoefte was gesels. Kobus sin was seksuele bevrediging. Die eerste ding om te vermy in ‘n verhouding is selfsugtige eise.

So wat is ‘n selfsugtige eis? Dit is wanneer jy iets verwag van jou eggenoot wat net tot jou voordeel is en ten koste van die ander persoon is. Gewoonlik gaan dit ook gepaard met straf indien die persoon dit nie doen nie. ‘n Voorbeeld hiervan is dat Kobus vir Karin ‘n ultimatum stel as hy nie seks by die huis kry nie dan sal hy dit maar elders gaan soek. Nou doen Karin dit maar en haat elke oomblik daarvan wat hul verhouding net verder versuur.

Weet jy wat jou geliefde se top emosionele behoefte is? Stel jy ooit selfsugtige eise aan jou geliefde?